БУРХАНД хамгийн ойр амьдарч байгаагаа бусдад харуулж гэрчилдэг хүмүүс, заримдаа БУРХАН-с хамгийн хол байх боломжтой!!!

Библийн Ром номны 10:14-р хэсэг дээр: “Тэгвэл Түүнд итгээгүй тэд яаж Түүнийг дуудах вэ? Түүнийг сонсоогүй тэд яаж Түүнд итгэх вэ?......”  гэсэн эшлэл байдаг. Би энэ багц хэсгийг олон жил зөвхөн нэг талаар нь ойлгож явдаг байжээ. Би өмнө нь дээрх эшлэлийн утгыг зөвхөн үл итгэгч хүмүүст хандсан үг юм байна гэж ойлгоод  итгэгч бус хүмүүст л сайнмэдээ тарааж тэдэн рүү илгээгдэх ёстой гэж бодддог байлаа. Мэдээж хэрэг энэ нь бас буруу биш бөгөөд зөв юм.  Гэхдээ энэ эшлэлийн бүрэн утга нь энэ ойлголтооор хаязгаарлагдахгүй байж.

Дээрх эшлэлийн гол утга нь:

Дээрх эшлэлийн эргэн тойрон өгүүлэгдэж байгаа Паулын ярианы гол мсж бол

Ром захидлын 9-р бүлгээс эхлээд элч Паул өөрийн цусан төрөл болох Израиль үндэстний Бурхантай харилцан хамааралтай амьдралын талаар өгүүлж эхэлдэг \\Ром 9:3\.  

Израиль бол Бурханаар ерөөгдсөн ард түмэн юм. Яагаад ерөөлтэй  гэж тооцогдсоныг дор өгүүлж болно:

-         Аврагч ЭЗЭН Есүс энэ үндэстнээс гарсан,

-         Хг-ний төлөөлөл болсон агуу итгэлийн хүмүүс эл үндэстэнтэй хамаатай

-         Үрчлэл, алдар, гэрээ, хуульчлал, мөргөл ба амлалтууд бол тэднийх байсан юм \9:4\.

Хэдий тэд \Израилчууд\ Бурханаас үлэмж агуу ерөөлийг авсан байсан ч Бурханы хууль зааврийн гол зарчмыг амлалтаар харж чадаагүй юм \9:8-9\. Өөрөөр хэлбэл тэд хууль зааврийн дагуу амьдралаа зөв болгохыг хичээсэн гэсэн үг. Харамсалтай нь хууль ба тушаал бол хүнийг хэзээ ч зөв болгож чадахгүй! \Ром 4:2\  Ийм учраас тэдний Бурханд үйлчлэх амьдрал нь хэт хүчтэй зоримог бас хуулийн дагуу байлаа. Үнэндээ ихэнх Израилчууд библийн Хг-ний бичвэрүүдийг итгэлийн нүдээр харж чадаагүй юм \Ром 10:3\.  Уг нь тэд Эцэг Абрахам шигээ байх ёстой байсан л даа \Ром 4:9\. Дүгнээл хэлэх юм бол Израилчууд Есүст итгэлээ өгөөгүй юм. Тийм учраас л миний дээр өгүүлж байсан Ром 10:14 эшлэлийг Паул өгүүлж байгаа гол шалтгаан нь Паул Израильчууд болон харь үндэстэн хоёуланд нь хандаж энэ үгээ хэлсэн юм. Таньд бүүр ойлгомтжой тайлбарлья  гэвэл Паул:  Бурханыг мэддэг болон мэддэггүй хоёр төрлийн хүмүүст хандаж энэ эшлэлийг хэлсэн. Ингэж бодвол бидний хэрэгжүүлэт юу болж таарах вэ?

Та өдөр болгон буюу цаг тутамд аливаад итгэлээр хандах хэрэгтэй! \Ром 1:17\. Бид библийн бүх бичвэрийг итгэлээр унших хэрэгтэй! Хэрвээ та итгэлийг үл ойшоовол хуулийн дагуу амьдраад эцэс сүүлдээ ядраад унах болно.

Орчин үеийн христитгэлийн давалгаа ч бас иймэрхүү алдаанд унаж болно. Ялангуяа монголчуудын оюун санаанд шарын шашин их хүчтэй нөлөөллийг бий болгосон болохоор бидний амьдралын хэв маяг нь сайн үйлсийг хийж, сайнаар амьдрах тэмүүлллийг бидэнд үргэлж заасаар байдаг. Энэ бол бидний зүрх сэтгэлд байх библийн бус маш аймшигтай чимээгүй номлол юм.